Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
Аёл ва жамият

№22, 29.05.2013

муносабат

ХУШМУОМАЛАЛИКНИ УНУТМАЙЛИК!

Зарурат юзасидан йўлга чиқсангиз-у, кўчада узоқ вақт қолиб кетсангиз, бирор жойда тамадди қилиб олишга интиласиз. ошхоналар, кафелар ишчиларининг баъзилари мижозларга чиройли хизмат қилади, баъзиларида эса этика, эстетика етишмайдигандек, назаримизда.

Официантлар дастлаб ташқаридан кирганки одам қаршисига пешвоз чиқадилар-у, хўрандалар кўпайиб кетганидан сўнг эса сизни унутади-да, янги келган одамлар билан овора бўлиб кетишади. Камчилик туғилса, кимга айтишни билмайсиз. Ёхуд ҳисоб-китоб вақтида официантни тополмай ҳалак бўласиз. Чунки айрим ошхоналарда касса аппарати билан ишлаш йўлга қўйилмаган. Эътирозларингизни билдирсангиз, баъзилари кўнглингизни ранжитадиган қўпол жавоб айтишади.

Савдога қўйилган таомлар нархи эса истеъмолчиларга аниқ кўринадиган жойда эмас. Официантлар кўрсатган хизматлари учун хўррандалардан ҳақ оладилар, демак шунга яраша қониқарли хизмат қилишлари ҳам керак-ку? Аксинча, официантларни бир-икки марта кўпроқ чақириб қўйсангиз, қовоқ уйишиб, дағал муомала қилишдан тап тортишмайди. Аслида аёлларга, қизларга ширинсуханлик, юмшоқлик хос. Киши яхши кайфият билан тамадди қилса, саломатликка ҳам фойдаси катта бўлади.

...Фурсати келганда, тозалик ҳақида икки оғиз сўз айтиш жоиз. Баъзи жойларда овқатни солиб бераётган ҳам, ёғли қўллари билан пулни санаб олаётган ҳам бир киши... Таом келтирилган идиш четлари учган, яхши ювилмаган ёки чала ювилганидан хира тортиб, сарғайган. ҳатто, кўпчилик йиғилишиб ўтирган хўрандалардан ҳақни офици-антнинг ўзи санаб олади-да, кейинги одамларга ҳам ювилмаган қўли билан салфетка олиб келиб беради! Ана сизга "озодалик"! Бундай хизматлар ҳақида ўша жойнинг раҳбарлари билармикан?!

Кўпчилик билан ишлаганда ҳар бир инсон муомала маданиятига амал қилиши лозим, мижозларга хушмуомалалик, очиқчирой билан хизмат қилиши, илиқ муносабат кўрсатиши керак. Хўранда овқатланиб бўлиб, у ерга яна келишни дилига тугиб қўйсин.

Абдуқосим ҳОЛМАТОВ,

Асака тумани.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2025 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди