МУСИҚА ВА САНЪАТ МАКТАБИ ҚУРИЛМОҚДА

Олтинкўл тумани марказида замон талабларига мос болалар мусиқа ва санъат мактаби қурилмоқда. Икки қаватли, 150 ўринли муассаса биноси "Антехназ" корхонаси бунёдкорлари томонидан барпо этилмоқда.

- Мазкур объектда 2 миллиард 400 миллион сўмлик қурилиш-монтаж ишлари бажарилади, - дейди корхона иш юритувчиси Муроджон Тўланов. - Мактаб биносини Мустақиллигимизнинг 22 йиллиги байрамига топшириш ниятидамиз.

Туман марказида қад ростлаётган замонавий кўринишдаги мусиқа ва санъат мактаби ҳозирданоқ болажонларимизга қувонч бағишламоқда.

Ғ. ВОСИЛОВ.