ТАДБИРКОР АЁЛЛАР ИШТИРОКИДА ДАВРА СУІБАТИ

Андижон давлат тиббиёт институтида "Меҳр нури" жамғармаси ташаббуси билан "Аёллар тадбиркорлигини ривожлантириш истиқболлари" мавзусида давра суҳбати бўлиб ўтди.

Давра суҳбатида аёлларни бизнесга жалб этиш, уларнинг тадбиркорлик фаолиятини қўллаб-қувватлаш, шунингдек, чекка ҳудудларда хотин-қизларнинг тадбиркорлик билан шуғулланишларига кенг имкониятлар яратиб бериш масалалари хусусида атрофлича сўз юритилди.

Тадбир иштирокчиларига мутахассислар томонидан тадбиркорлик, хусусан, оилавий тадбиркорликнинг ҳуқуқий асослари, бу борадаги мавжуд имтиёзлар, бизнес-режа тузиш, кредитлар олиш, маҳаллий ҳокимият, ўзини ўзи бошқариш органларининг кўмаги масалалари бўйича ҳамда хотин-қизлар билан ишлайдиган ННТларнинг аёллар тадбиркорлигини ривожлантиришдаги тажрибалари хусусида кенг маълумотлар берилди.

Иштирокчилар давра суҳбати мавзуси доирасида фикр-мулоҳазалар, таклиф ва тавсиялар билдирдилар, ўзларини қизиқтирган саволларга тегишли жавоблар олдилар.

Давра суҳбатида вилоят ҳокимининг ўринбосари, хотин-қизлар қўмитаси раиси М. Юнусова иштирок этди.

Ҳ.СИДДИҚОВА.