ЁЗ ЎТМОҚДА СОЗ

Марҳамат туманидаги 3-ДИМИ қошида "Ижодкор" номли оромгоҳ ташкил этилди. Оромгоҳда 100 нафар бола 4 та гуруҳга бўлиниб дам олмоқда. Улар учун барча шарт-шароитлар яратилган. 200 ўринга мўлжалланган ётоқхона ва ошхона, спорт зали, майдончалари, маънавият ва маърифат хоналари болажонлар ихтиёрига берилган.

Яқинда ушбу оромгоҳда "Ёз ўтмоқда соз" деб номланган вилоят семинари бўлиб ўтди. Тадбирда мазкур оромгоҳда олиб борилаётган ибратли ишлар эътироф этилиб, бу ердаги иш тажрибаларини оммалаштириш борасида фикр-мулоҳазалар билдирилди. Тадбир доирасида болаларнинг фаоллигини ошириш, соғлом ва баркамол бўлишларини таъминлаш мақсадида гуруҳлар ўртасида турли спорт мусобақалари, шунингдек, асфалтга расм чизиш бўйича кўрик-танлов ўтказилди. Ғолиб-лар "Камолот " ёшлар ижтимоий ҳаракати туман бўлими томонидан эсдалик совғалар билан тақдирланди.

Ш. КЕЛДИЕВ.