БАДИА

ОДАМЛАР...

Шундай одамлар борки, энг ёрқин кўзгуга қараб туриб ҳам, ўзининг асл қиёфасини кўра олмайди. Уларга кўз ташласанг, дераза ойналаридан ташқари кўрингани каби, уларнинг қоп-қора қалбини ҳам кўра оласан. Агар юзма-юз келсанг уларга бирор нарсани ўргатишга уринма, уларни синчиклаб кузат. Уларга қараб дунёни ўрганса бўлади. Айбларини юзига айта кўрма, сени ёмон кўриб қолишлари мумкин. Аслида улар ўзидан бошқани яхши кўришга қодир эмас. Ҳеч қачон тортиша кўрма, улар барибир ўз фикрини ўзгартирмайди. Дардингни ҳам айтма, устингдан кулишади. Яхшиси, яхши инсонлар билан бирга бўл, сени ўз яқинидек қабул қилишади.

Хосият НИГОР/