ТИКУВЧИ - ТАДБИРКОР

Пахтабод туманидаги, Маданият қишлоқ фуқаролар йиғини Иттифоқ маҳалласида истиқомат қилувчи Олтиной Мухторова ўн йилдан бери тадбиркорлик билан шуғулланиб келади. У дастлаб тикувчилик ҳунарининг орқасидан эл назарига тушди. Уни йўқлаб келадиган мижозлари, шогирдликка олинг, дегувчилар кўпайди. Шундан сўнг маҳалласидаги ишсиз юрган хотин-қизларга тикувчилик ҳунарини ўргатиб, уйида кичкинагина цех ташкил қилди. Буюртма асосида аёллар кўйлаклари, элита пардалари тикишни йўлга қўйди. Натижада, ўндан зиёд хотин-қизларни иш билан таъминлади.

Ш. КЕЛДИЕВ.