ҒОЛИБЛАР РЕСПУБЛИКА БОСҚИЧИДА ҚАТНАШАДИ

З.М.Бобур номидаги вилоят мусиқали драма ва комедия театрида "Ягонасан, муқаддас Ватан!" қўшиқчилар кўрик-танловининг вилоят босқичи бўлиб ўтди.

Вилоятимизнинг барча туман ва шаҳарлардан ташриф буюрган иштирокчилар Ватан мавзусидаги ижрочилик истеъдодларини намойиш этдилар. Ушбу танловда асакалик Ихлосбек Жўраев ва жалақудуқлик Мафтунахон Ҳамдамовалар биринчи ўринга лойиқ топилди. Хонободлик Акбаржон Эгамбердиев ва пахтаободлик Қудратбек Низомжоновларнинг қобилияти эса иккинчи ўрин билан баҳоланди. Учинчи ўрин эса Избоскан тумани вакили Жаҳонгир Тўхташев ҳамда Жалақудуқ тумани вакили Абдулазиз Турғунбоевларга насиб этди.

Эстрада йўналиши бўйича эса Ҳайрат Усмонов, Элдор Ҳуломов, Шаҳзод Собиржонов ва Муҳайё Тожиматовалар ғолибликка сазовор бўлдилар.

Ҳолиблар танловнинг республика босқичида қатнашадилар.

М. МАМАСОЛИЕВА.