БОҒЧАДА БАЙРАМ ТАДБИРИ

Юртимиз мустақиллигининг 22 йиллик байрами Шаҳрихон туманидаги 42-мактабгача таълим муассасасида ҳам ўзгача нишонланди.

Байрамга тайёргарлик асносида 50 нафар бола тарбияланаётган мазкур муассасада кенг кўламли ободонлаштириш ишлари амалга оширилди. Куй, қўшиқларга бой байрам тадбирида эса болажонлар томонидан ижро этилган она, табиат, Ватан мавзусидаги шеър ва қўшиқлар барчага манзур бўлди. Байрам болажонлар ва тадбирда қатнашган ота-оналарда катта таассурот қолдирди.

М. ИСАЖОНОВ.