МУКОФОТ МУБОРАК!

"Ўқитувчи ва мураббийлар куни" муносабати билан Ўзбекистон Республикаси Президенти Фармонига асосан мамлакатимиз маънавий-маърифий салоҳиятини юксалтириш, ёш авлодни она Ватанга муҳаббат, истиқлол ғояларига садоқат, миллий ва умуминсоний қадриятларга ҳурмат руҳида соғлом ва баркамол вояга етказишга қўшган салмоқли ҳиссаси, уларга фан асосларини ҳамда замонавий касб-ҳунарларни ўргатишдаги жонкуярлиги, таълим-тарбия соҳасидаги кўп йиллик самарали меҳнати ва жамоат ишларидаги фаол иштироки учун бир гуруҳ юртдошларимиз фахрий унвон ва давлат мукофотлари билан тақдирланди. Тақдирланганлар орасида вилоятимиздан қуйидаги муаллималар ҳам бор.

"ЎЗБЕКИСТОН РЕСПУБЛИКАСИ

ХАЛҚ ЎҚИТУВЧИСИ" УНВОНИ БИЛАН

Осиёхон Каримова Абдукадировна - Қўрғонтепа туманидаги 5-ихтисослаштирилган умумий ўрта таълим мактабининг математика ва информатика фанлари ўқитувчиси.

"ШУҲРАТ" МЕДАЛИ БИЛАН

Барнохон Мухторова Озодбековна - Андижон туманидаги 45-умумий ўрта таълим мактабининг биология фани ўқитувчиси.

Одинахон Хўжабекова Хашимжоновна - Избоскан туманидаги 35-умумий ўрта таълим мактабининг бошланғич синф ўқитувчиси.

Унвон ва мукофот соҳибаларини барча газетхонларимиз номидан муборакбод этамиз.