ОЧИҚ МУЛОҚОТ

Фуқаролик жамияти шаклланишини мониторинг қилиш мустақил институти вилоят ҳудудий бўлинмаси ташаббуси билан вилоят почтаси ҳамда "Матбуот тарқатувчи" уюшмаси мутахассислари иштирокида оммавий ахборот воситаларининг аҳоли қатламлари орасига етиб бориши, босма ва электрон ОАВда берилаётган материалларнинг мазмун ва савияси масалаларига бағишланган давра суҳбати бўлиб ўтди.

Йиғилишда вилоятда фаолият кўрсатаётган ОАВ вакиллари, мутахассислар, ёшлар иштирок этиб мавзу доирасида ўз фикр-мулоҳазаларини билдирдилар. Хусусан, ОАВда берилаётган айрим материаллар савиясиз, мазмунан бой эмаслиги, халқимиз минталитетига мос келмаслиги, соҳа ходимларининг келгусида ана шу жиҳатларга алоҳида эътибор қаратишлари зарурлиги таъкидланди.

Иштирокчилар ўзларини қизиқтирган саволлар юзасидан мутахассислардан тегишли жавоблар олдилар.

Х. СИДДИҚОВА.