"МЕҲРИДАРЁ УСТОЗЛАР"

Қўрғонтепа саноат ва транспорт касб-ҳунар коллежида Ўқитувчи ва мураббийлар кунига бағишланган "Раҳмат, сизга меҳридарё устозлар" номли тадбир бўлиб ўтди.

Тадбирда фахрий устоз-мураббийлар, ушбу билим даргоҳининг ўқитувчи ва ўқувчилари иштирок этдилар. Анжуман очилишида коллеж раҳбари М. Тешабоев сўзга чиқиб, барча устозларни байрам билан қизғин табриклади.

Йиғилганлар учун коллежнинг "Камолот" ЁИҲ бошланғич ташкилоти аъзолари томонидан бадиий дастур намойиш этилди. Тадбир сўнггида фидойи ўқитувчи ва мураббийларга эсдалик совғалар топширилди.

Д. ЖАБАРАЛИЕВ.