ҚИШЛОҚ АЁЛЛАРИ БЕЛЛАШУВИ

Жалақудуқ тумани, Ойим шаҳарчасида жойлашган 37-умумтаълим мактабида "Обод турмуш йили" ҳамда Мустақиллигимизнинг 22 йиллигига бағишланиб, маҳаллада истиқомат қилувчи хотин-қизлар ўртасида спорт мусобақалари бўлиб ўтди. Аҳоли саломатлигини яхшилаш мақсадида ўтказилган мазкур мусобақада иштирокчилар баскетбол, волейбол, шахмат, стол тенниси спорт турлари бўйича ўзаро беллашдилар.

Мусобақаларда 7 та маҳалла фуқаролар йиғини жамоалари таркибида юзга яқин уй бекалари қатнашишди. Қизғин кечган баҳслар якунига кўра, ғолиб бўлган жамоалар ташкилотчилар томонидан фахрий ёрлиқ ҳамда эсдалик совғалари билан тақдирландилар.

У. МАМАРАСУЛОВ.