ҒОЛИБЛАР САФИДА

Наманган шаҳрида болалар ва ўсмирлар ўртасида катта теннис бўйича Ўзбекистон чемпионати ўтказилди.

Унда Андижонлик ёшлар муносиб иштирок этдилар. Катталар ўртасида Андижон теннис мактабидан Жамила Содиқжонова якка беллашувларда биринчи ўринни эгаллаган бўлса, Андижон олимпия заҳиралари коллежи ўқувчиси Одил Акрамов билан аралаш жуфтликда иккинчи ўринни эгалладилар.

Ж. Содиқжонова Андижон теннис мактабининг яна бир вакиласи Мубина Ваҳобова билан жуфтликда ҳам иккинчи ўринни қўлга киритди.

Т. СИДДИҚ.