ПАРТИЯНИНГ ЕТАКЧИ АЁЛЛАРИ ЎҚУВИ

Ўзбекистон ХДП вилоят кенгаши ташаббуси билан Андижон шаҳрида "Фаол аёллар" қаноти етакчиларининг сиёсий ва касбий малакасини ошириш масалалари" мавзуида семинар-тренинг бўлиб ўтди. Ушбу тадбирдан кўзланган мақсад, "Фаол аёллар" қаноти етакчиларининг мамлакатимизда фуқаролик жамиятини янада демократлаштириш ва ривожлантириш жараёнидаги иштирокида уларнинг фаоллиги ҳамда ҳуқуқий билимларини оширишдан иборат бўлди.

Йиғилишда ЎзХДП вилоят кенгашининг раиси А. Нурматов сўз олиб, партия аъзоси бўлган хотин-қизларнинг юрт равнақи, халқ турмуш фаровонлиги йўлида амалга оширилаётган ишлардаги иштироки хусусида сўз юритди.

Семинарда партиянинг дастурий мақсад ва вазифаларини тарғиб этишда янги сиёсий технологияларни самарали қўл-лашга доир интерфаол машғулотлар ўтказилди, ўзаро тажриба алмашилди.

Тадбир сўнггида иштирокчилар мавзу доирасида ўзларининг таклиф, фикр ва мулоҳазаларини билдирдилар.

М. МАМАСОЛИЕВА.