ОРАСТА ҚИЗЛАРНИНГ БАЙРАМ ТАДБИРИ

Бобур номидаги вилоят театрида "Ораста қизлар" давраси қатнашчиларининг "Ўзлигингни унутма ўзбегим" деб номланган тадбир бўлиб ўтди. Тадбирда Андижон шаҳридаги барча касб-ҳунар коллежлари ва академик лицейларнинг директорлари ҳамда "Ораста қизлар" давраси иштирокчилари қатнашдилар.

Унда ёшлар ўртасида миллий қадрият ва анъаналарни сақлаб қолиш, уларни "оммавий маданият" хуружларидан асраш ва ўзбекона кийиниш маданиятини тарғиб этиш масалаларига эътироф қаратилди.

Ўзбекистон Республикаси Конституциясининг 21 йиллигига бағишлаб ўтказилган ушбу тадбирда АДУ катта ўқитувчиси Ю. Жаҳонгиров конституциямизда белгиланган ҳуқуқ ва бурчлар ҳақида маъруза қилди.

Тадбир якунида "Ораста қизлар" давраси қатнашчиларининг республика кўрик-танловида иштирок этган вилоятимиз вакиллари томонидан саҳна кўринишлари намойиш этилди.

Тадбирда вилоят ҳокимининг ўринбосари, вилоят хотин- қизлар қўмитаси раиси Манзурахон Юнусова иштирок этди.

М.МАМАСОЛИЕВА.