ТАНЛОВДА ФАХРЛИ ЎРИН

Марҳамат туманидаги 27-умумтаълим мактаби 9-синф ўқувчиси Мўътабархон Қорихонова "Камолот юлдузи" кўрик-танловининг республика босқичида назм йўналиши бўйича қатнашиб, фахрли ўринни эгаллади.

М. Қорихонова вилоят ҳамда республика миқиёсида ўтказилаётган қатор танловларда фаол қатнашиб келмоқда. Унинг ижод намуналари газета, журналларда чоп этилмоқда.

- Бу ютуқларга эришишда устозларимнинг ўрни беқиёс, айниқса, мактабимиз директори Баҳромжон Эргашевнинг ҳиссаси катта, - дейди М.Қорихонова. - Келажакда ўқиб, пухта билим олиб Ватанимиз равнақи учун муносиб хизмат қиладиган инсон бўлиб улғайишни ўз олдимга мақсад қилиб олдим.

Ш. КЕЛДИЕВ.