ВАТАНГА ҚУВВАТДИР-ЙИГИТНИНГ ЗЎРИ

Олтинкўл иқтисодиёт коллежида Ватан ҳимоячилари куни муносабати билан "Ватанга қувватдир йигитнинг зўри" шиори остида ўқувчилар ўртасида байрам тадбири бўлиб ўтди.

Тадбирда коллеж директорининг маънавий-марифий ишлар бўйича ўринбосари С. Сотволдиев сўз олиб, барча тадбир иштирокчиларини байрам билан қутлаб, юртига содиқ ўғлон бўлиб етишишларига тилак билдирди. Ўқувчилар томонидан ташкил этилган чиқишлар, саҳна кўринишлари, куй ва рақслар йиғилганлар кўнглига кўтаринкилик бағишлади.

Тадбир сўнгида фаол иштирок этган ўқувчилар фахрий ёрлиқ ва эсдалик совғалар билан тақдирландилар.

С. ЖУМАЕВ.