ШОИР ТАВАЛЛУДИГА БАҒИШЛАНДИ

Андижон шаҳридаги ҳарбий горнизонда Ўзбекистон халқ шоири Муҳаммад Юсуф таваллудининг 60 йиллигига бағишланган, "Биздан озод Ватан қолади" мавзусида адабий-бадиий кеча бўлиб ўтди. Унда Ўзбекистон Ёзувчилар уюшмаси вилоят бўлими раҳбари Х. Қўчқарова, бир қатор ижодкорлар ҳамда З.М.Бобур номидаги ахборот кутубхона маркази ходимлари иштирок этиб, шоир ҳаёти ва ижоди ҳақида гапирдилар, ўз ижодидан намуналар ўқидилар.

- Бундай маънавий-маърифий тадбирларни ҳарбий горнизонда тез-тез ўтказиб турамиз, - дейди горнизон командирининг тарбиявий ишлар бўйича ўринбосари Йўлдошбой Ҳолиқов. - Халқимизнинг ардоқли шоири таваллуди олдидан ўтказилган ушбу тадбирдан барчамиз катта маънавий озуқа олдик. Муҳаммад Юсуф ижоди ҳақида яна ҳам кенгроқ маълумотга эга бўлдик.

З. АБДУЛЛАЕВА.