ХОТИН-ҚИЗЛАР ФАОЛИЯТИ ОРТМОҚДА

Ўзбекистон ХДП Андижон шаҳар кенгаши ташаббуси билан "Бошланғич партия ташкилотлар етакчилари сафидаги хотин-қизларнинг сиёсий ва касбий салоҳиятини ошириш масалалари" мавзусида семинар-тренинг бўлиб ўтди.

Партия шаҳар кенгаши масъул ходимлари, бошланғич ташкилотлардаги фаол хотин-қизлар иштирок этган ушбу тадбирда мамлакатимизда фуқаролик жамиятини янада демократлаштириш ва ривожлантириш жараёнидаги хотин-қизларнинг иштироки, уларнинг ҳуқуқий билимларини ошириш масалаларида сўз юритилди.

Семинар доирасида партиянинг дастурий мақсад ва вазифаларини тарғиб этишда янги сиёсий технологияларни самарали қўллашга доир интерфаол машғулотлар бўлиб ўтди. Шунингдек, "Аёллар қаноти" аъзоларининг ижтимоий-сиёсий фаоллигини ошириш бўйича амалга оширилаётган ишлар таҳлил қилинди.

Тадбир иштирокчиларнинг мавзу доирасидаги билим ва кўникмаларини бойитишга хизмат қилди.

М.СОБИРОВА.