"БАҲОР БОҒИМИЗДА"

Марҳамат туманидаги "Ўзбекистон" маҳалла фуқаролар йиғинида "Баҳор боғимизда" деб номланган тадбир бўлиб ўтди.

Наврўз байрамига бағишланган ушбу тадбирда туман ҳокими ўринбосари, туман хотин-қизлар қўмитаси раиси Зуҳрахон Дадажонова, МФЙ раиси Абдуносир Тошпўлатов барча иштирокчиларни Наврўзи олам билан муборакбод этди.

Маҳалла фаоллари, ёшлар, туманда фаолият юритаётган Муҳаммад Юсуф номли "Ёш ижодкорлар" адабий тўгараги аъзолари қатнашган мазкур тадбирда Ўзбекистон Ёзувчилар уюшмаси масъул котиби, шоира Мунаввара Усмонова, Ўзбекистон Ёзувчилар уюшмаси вилоят бўлими раҳбари Хуршидабонулар қатнашиб, ўз шеърларидан ўқиб бердилар. Санъаткорлар ижро этган гўзал куй-қўшиқлар қатнашчилар кўнгилларини хушнуд этди. Ёш ижодкорлар томонидан ўқилган Муҳаммад Юсуф шеърлари эса барчада катта таассурот қолдирди.

А. БОЗОРБОЕВ.