"БАЛЛИ ҚИЗЛАР" КЎРИК-ТАНЛОВИ

Андижон шаҳридаги 27-умумтаълим мактабида 9-синф қизлари ўртасида "Балли қизлар" кўрик-танлови бўлиб ўтди. Танловда иштирокчи қизлар одоб-ахлоқи, ўзини тутиши, кийиниш маданияти, миллий таомлар пишириш, турли саҳна кўринишлари, қўшиқ ва рақслар ижроси бўйича ўзаро беллашдилар.

Қизларнинг ўзбекона тарбия, одоб-ахлоқ борасидаги билимларини бойитиш мақсадида ўтказилган танловда барча жамоалар фаол иштирок этди. Турли номинациялар бўйича ғолиблар аниқланди.

Якунда фаол қатнашган ўқувчилар мактаб маъмуриятининг эсдалик совғалари ва фахрий ёрлиқлари билан тақдирландилар.

Ш. КЕЛДИЕВ.