КИТОБХОНЛАР БАЙРАМИ

З. М. Бобур номли вилоят ахборот кутубхона марказида аҳоли, айниқса, ёшларнинг китобга ва китоб мутоалаасига бўлган қизиқишини ошириш, маънавий-маърифий ишлар самарадорлигини юксалтириш мақсадида "Китобхонлар байрами" тадбири ўтказилди.

З. М. Бобур номли вилоят ахборот кутубхонаси олдида китоб-лар, шунингдек, кутубхонанинг марказий фойесида вилоятдаги ёш рассомларнинг "Бахтин кўринг, Ўзбекистон боласини!" деб номланган ижодий ишлари кўргазмалари ташкил этилди.

Китобхонлар байрами доирасида ўтказилган маънавий-маърифий тадбирлар, айниқса, "Адабиёт яшаса - миллат яшайди" мавзусида шоир ва ёзувчиларнинг китобхонлар билан учрашуви тадбир қатнашчиларида катта таассурот қолдирди.

"Энг фаол китобхон" кўрик-танловида эса иштирокчилар белгиланган тўртта шарт бўйича ўз билим ва маҳоратларини намойиш этдилар.

Қизиқарли ўтган билимлар синови якуний натижаларига кўра, Андижон давлат тиббиёт институти талабаси Гулнигор Каримова энг юқори балл жамғариб, танловда 1-ўринни қўлга киритди.

"Энг фаол китобхон" танлови ғолиб ва совриндорлари ташкилотчилар томонидан муносиб рағбатлантирилди.

Хосият СИДДИҚОВА.