ИЛМИЙ-АМАЛИЙ АНЖУМАН

Вилоятимизда "Соғлом бола йили" муносабати билан "Тиббиёт профилактикаси: бугун ва эртага" мавзусида республика илмий-амалий анжумани бўлиб ўтди.

Ўзбекистон Республикаси Соғлиқни сақлаш вазирлиги, Андижон давлат тиббиёт институти ҳамкорлигида ўтказилган мазкур анжуманда республика Соғликни сақлаш вазирлиги мутасаддилари, юртимиздаги тиббиёт олий ўқув юртлари профессор-ўқитувчилари, хорижлик олимлар, талаба ёшлар иштирок этдилар.

Анжуман доирасида юртимиз ва хорижлик мутахассислар томонидан тиббиёт профилактикасига оид маърузалар ўқилди. Шунингдек, турли касалликлар келиб чиқишининг олдини олиш, даволаш самарадорлигини ошириш хусусида фикр-мулоҳазалар билдирилди.

Соҳа мутахассислари артериал гипертония, жигарнинг сурункали хасталиклари, гепотология, остеортроз ва бошқа бир қатор касалликлар терапияси, янги тиббий технологияларни, илғор даволаш усулларини амалиётга татбиқ этиш бўйича ўзаро фикр алмашдилар.

Иштирокчилар томонидан мавзу доирасидаги илмий маърузалар, касалликларнинг олдини олиш, эрта аниқлаш ва самарали даволаш юзасидан таклиф, тавсия ва фикр-мулоҳазалар билдирилди.

Ф. ИБАЙДУЛЛАЕВ.