СУЗИШ БЎЙИЧА ЧЕМПИОН ҚИЗЛАР

Тошкент шаҳрида сузиш бўйича ўтказилган Ўзбекистон ёзги чемпионатида вилоятимиз вакиллари ҳар қачонгидай пешқадамлик қилдилар. Шоҳсанам Тошпўлатованинг ўзи турли услуб ва масофаларга сузиш бўйича 12 та олтин ва иккита кумуш медалларни қўлга киритди. Нодира Шамсутдинова ҳисобида 9 та, Муслима Одиловада 8 та, Рината Тухтасиновада 6 та, Комила Мақсудовада 5 та, Фотима Амилова ва Анна Чудиновада 3 тадан олтин медаллар бор.

17-Осиё ўйинларига ҳозирлик кўраётган халқаро тоифадаги спорт устаси Раъно Омонова икки хил масофада сузишда иштирок этиб, ҳар иккаласида ғолиб чиқди. Шуни ҳам айтиб ўтиш керакки, Фотима Амилова яқинда Қатарда ўтказилган халқаро турнирда 50, 100, 200 метрга брасс усулида сузиш бўйича ғолиб бўлиб, бронза медали соҳиби бўлди.

Т. СИДДИҚОВ.