ЁШ САЙЛОВЧИЛАР БИЛАН МУЛОҚОТ

Маълумки, жорий йил 21 декабрда Ўзбекистон Республикаси Олий Мажлиси Қонунчилик палатаси ҳамда халқ депутатлари маҳаллий кенгашларига сайловлар бўлиб ўтади. Айни кунда ана шу сиёсий тадбирга тайёргарлик ишлари қизғин олиб борилмоқда.

Жумладан, O'zLiDeP вилоят кенгашининг мафкуравий ташвиқот-тарғибот, аёллар ва ёшлар билан ишлаш бўлимлари томонидан Андижон шаҳридаги касб-ҳунар коллежлари битирувчилари иштирокида сайловлар тўғрисида тушунчаларни шакллантириш, сайловолди компаниясини ташкил этишда номзодларнинг ўрни мавзусида амалий мулоқотлар ўтказилди. Ёш сайловчилар билан ўтказилган йиғинларда сайлаш, сайланиш ҳамда депутатлик мақоми хусусида кенг маълумотлар берилди, қизиқарли савол-жавоблар бўлиб ўтди.

Отабек МУХТОРОВ.