Шукурлар айтайин ўзбек элимга

Умри гоҳ заҳматда, гоҳ бахтда ўтган,

Урушнинг заҳрини энди унутган,

Юрт учун жонини оловга тутган,

Шукурлар айтайин ўзбек элимга.

Бобурий, темурий аслзодалар,

Нодирага авлод чин хонзодалар,

Зулфия издоши паризодалар,

Шукурлар айтайин ўзбек элимга.

Тиббиёт-илмга макон ўзингсан,

Энг гўзал гулистон, бўстон ўзингсан,

Навоий мероси - достон ўзингсан,

Шукурлар айтайин ўзбек элимга.

Қуёшнинг тафтидан қизигай ерлар,

Дарахтлар кафтидан тўкилгай гуллар,

Тинчликнинг бахтидан масрур ой, йиллар,

Шукурлар айтайин ўзбек элимга.

Мадина МУҲАМЕДОВА.