Таъзимдаман сенга, гўзал Андижоним!

Гулгун чечакларда акс этган баҳор,

Тупроғинг табаррук этгайлар минг бор,

Жўшқин муҳаббатим бўлсин мададкор,

Таъзимдаман сенга, гўзал Андижоним!

Бағрингда улғайиб, пок имон топдим,

Олтин бешик узра ошиён топдим,

Тинчлигингга қалқон - фидо жон топдим,

Таъзимдаман сенга, гўзал Андижоним!

Буюклардан мерос азалий макон,

Неъматлари суюк, сарҳадсиз имкон,

Энг шонли тарихи қалбларда омон,

Таъзимдаман сенга, гўзал Андижоним!

Бахтнинг қўлларидан тутган йўлларинг,

Ободлик чеҳрасин очар чўлларинг,

Гўзалликка туташ ўнгу сўлларинг,

Таъзимдаман сенга, гўзал Андижоним!

Дилмурод СОТВОЛДИЕВ, Андижон тумани.