МАФТУНА ТАНЛОВ ҒОЛИБИ

Жалақудуқ хизмат кўрсатиш касб-ҳунар коллежида "Нафосат маликаси" кўрик -танлови бўлиб ўтди.

Ўқувчи қизларни мустақил ҳаётга тайёрлаш, уларнинг репродуктив саломатлик ва соғлом турмуш тарзи ҳақидаги билимларини ошириш, олган билимларини синовдан ўтказиш мақсадида таништирув, пазандалик, соч турмаги, савол-жавоб, эркин мавзу шартлари асосида ўтказилган кўрик-танлов қизғин баҳсларга бой бўлди. Танловда иштирок этган ўқувчи қизлар ўзларининг билимдон, миллий қадриятларимизни яхши биладиган маънавияти юксак ёшлар эканликларини намойиш этдилар.

Якуний натижаларга кўра, танловда Мафтуна Турғунбоева биринчи ўринни қўлга киритиб, коллежнинг "Нафосат маликаси" деб эълон қилинди. Иккинчи ўринга Зилолахон Жалилова, учинчи ўринга эса Хонзодабегим Ботиралиева сазовор бўлди. Ғолиблар коллеж маъмурияти томонидан мақтов ёрлиқ ва эсдалик совғалар билан тақдирланди.

Д. ХУШБАҚОВА.