ЁЗ - ЎТМОҚДА СОЗ

Андижон шаҳридаги 23- умумтаълим мактаби қошида ташкил этилган "Бинафша" кундузги болалар оромгоҳида ўтказилаётган қатор тадбирлар, мусобақалар, турли беллашувлар болажонларнинг мароқли дам олишларида муҳим аҳамият касб этмоқда. Оромгоҳда "Моҳир қўллар", "Тарона-мусиқа", инглиз тили ҳамда спорт тўгараклари ташкил этилган бўлиб, улар болаларда меҳнатга лаёқатлиликни, санъатсеварликни, спорт билан ҳамнафас бўлишлик каби хусусиятларнинг шаклланишига хизмат қилмоқда.

Шоҳистахон Ҳамдамова, Гулнорахон Бойбобоева, Наргизахон Боқиева, Ҳамидахон Ҳошимова сингари жонкуяр тарбиячилар ташаббуси билан оромгоҳда "Қувноқ стартлар", "Биз она юрт фарзандларимиз", "Китоб - бизнинг дўстимиз" каби мавзуларда қизиқарли мусобақалар ва адабий кечаларнинг ташкил этилиши болажонларнинг нафақат дам олишлари, балки соғлом бўлишлари ҳамда олган билимларини мустаҳкамлашларига ёрдам бермоқда.

Ш. КЕЛДИЕВ.