БАҒРИНГДА БАЙРАМЛАР ШУКУҲИ КЕЗАР

Ватан чизгилари юзимда аён,

Қалбим тошқинида, кўзимда аён.

Сийратимга боққин, камолимни кўр,

Тўкис рўзғоримда Ватан намоён.

Марду майдонлари хизматда доим,

Нуроний, кексалар иззатда доим.

Кенг, равон кўчалар - файзнинг акси,

Ватан - юз очганим, муқаддас жойим.

Ҳар томон, ҳар ошён - тилакларда гул,

Юрсам хиёбонлар, йўлакларда гул.

Оқшомги кўчалар гулчироқлардан

Чароғон нурларга чулғанди буткул.

Хумо қуш рамзини тикдим - ипак, зар,

Байроғингни ойу юлдузлар безар.

Фавворалар мадҳинг айтишар, гўё,

Бағрингда байрамлар шукуҳи кезар.

Англадим: аслида сизу биз - Ватан,

Айёминг муборак, эй азиз Ватан!

Умида ЖЎРАЕВА, Андижон шаҳри.