Эҳтиром

УСТОЗ - ОТАНГДЕК УЛУҒ

Устоз. Ким бўлишидан қатъи назар, бу сўзни эшитганимизда кўнглимиздан фақат илиқ туйғулар, ёрқин хотиралар ўтади. Кўз ўнгимизда қўлимизга қалам тутқазиб, илм оламига етаклаган биринчи устоз-муаллим гавдаланади.

Шунингдек, қалбимизда унитилмас из қолдирган қадрдон мактабимиз ва унинг қучоғида кечган беғубор йилларимизни, бизга таълим берган, инсонийлик фазилатларини ўргатган меҳрибон ўқитувчи ва мураббийларимизни ҳурмат ва эҳтиром билан эслаймиз.

Жамиятнинг бугуни ва келажаги, унинг маъданий-маърифий ва маънавий салоҳияти таълим тизимининг қай даражада ривожланганлиги билан белгиланади. Таълим-тарбия тизимидаги ислоҳотларнинг муваффақияти кўп жиҳатдан ўқитувчи ва мураббийларга боғлиқ. Шунинг учун мамлакатимизда ўқитувчилар меҳнати юксак қадрланмоқда, уларга ҳар жиҳатдан ғамхўрлик кўрсатишга алоҳида эътибор қаратилмоқда.

"Устоз - отангдек улуғ", деган мақол бежиз айтилмаган. Бунда бир олам маъно бор, яъни, ота-она фарзандни дунёга келтириб, едириб-кийдирса, уни камолга етказадиган, етук инсон қиладиган бу - устоздир. Шу боис, касблар ичида энг хайрлиси, энг гўзали илм ўргатиш, тарбия этиш орқали инсонга яшамоқ мазмунини англатишдир. Бу эса устоз-муаллимларга насиб этган бахтдир. Ўқитувчилик ва мураббийлик касбини қанчалик шарафли ва машаққатли эканлиги барчамизга аён. Ёшларнинг келажакда ҳар томонлама етук, баркамол бўлишларида айнан шу касб эгаларининг хизматлари ниҳоятда катта. Айниқса, дунё шиддат билан ривожланиб, навқирон авлоднинг қалби ва онгини эгаллаш учун кураш тобора авж олиб бораётган бугунги кунда устоз-мураббийлар тутган мавқени бирон бир меъзон билан ўлчаш мушкул. Шунинг учун уларни эъзозлаш, меҳнатини қадрлаш ҳар биримиз учун ҳам қарз, ҳам фарздир.

МадинабонуАБДУЛЛАЕВА,

Булоқбоши педагогика ижтимоий иқтисодиёт коллежи ўқувчиси.