Сенга таъзим, ўзбек аёли!

Ошиқ аҳлин гирён этган сен,

Муҳаббатнинг эрка хаёли.

Сабрларинг алп тоғларга тенг,

Сен ибратсан, ўзбек аёли!

Садоқатга қурасан ҳайкал,

Ой юзингда ҳилол жамоли.

Андишага бергувчи сайқал -

Бир ҳикматсан, ўзбек аёли!

Тоза имон, очиқ кўнгилсан,

Дилни қучмиш сўзларинг боли.

Фарзандларга меҳри одилсан,

Ишқи ҳиммат, ўзбек аёли!

Меҳр бўлиб дилга инасан,

Сен вафонинг буюк тимсоли.

Қайта-қайта такрорлагайман:

Сенга таъзим, ўзбек аёли!

Ҳулкарой АБДУРАҲМОНОВА, Андижон шаҳри.