Ватан, жамолингдан ифтихор туйдим

Темурий, бобурий - ғурурим наслинг,

Гўзалликдан сурат олади аслинг,

Гулга буркангандир гўё ҳар фаслинг,

Ватан, жамолингдан ифтихор туйдим.

Ойдин кечаларинг, нурафшон кунинг,

Мардлар қўриқлайди осуда тунинг,

Ишончли қўлларда эртанг, бугунинг,

Ватан, жамолингдан ифтихор туйдим.

Манглайингда омад ярашиб турар,

Баланд биноларинг безак кўринар,

Ҳис-ҳаяжон ила юрагим урар,

Ватан, жамолингдан ифтихор туйдим.

Озодлик, хурликдан қувончга тўлдим,

Сен туфайли бахтли, омадли бўлдим,

Баҳорлар бағрида гуллардек кулдим,

Ватан, жамолингдан ифтихор туйдим.

Зилола ПОЗИЛЖОНОВА,

Асака тумани.