МУКОФОТ МУБОРАК, СЕВАРА!

Халқаро хотин-қизлар байрами арафасида мамлакатимиз Президенти Ислом Каримовнинг фармонига асосан юртимизнинг энг иқтидорли қизларидан бир гуруҳи Зулфия номидаги Давлат мукофоти билан тақдирланди.

Ушбу нуфузли мукофот Андижон санъат коллежи ўқувчиси Севара Фозилжоновага ҳам насиб этди.

Ўқишда, жамоат ишларида фаол Севаранинг санъат сирларини пухта эгаллашга, ўз соҳасининг етук мутахассиси бўлишга интилиши, бу борада катта ютуқларга эришгани унга омад келтиргани бежиз эмас. Чунки у санъатга дадил кириб келаётган истеъдодли ёшлардан бири сифатида кўпчиликнинг эътибор ва эътирофини қозонган.

Севарани ушбу юксак мукофот билан газетамизнинг кўп минг сонли ўқувчилари номидан муборакбод этамиз!