Саводхонлик байрами
"Биз Ўзбекистоннинг келажагимиз" шиори остида бўлиб ўтди.
Андижон шаҳридаги 7-умумтаълим мактабида юртимиз мадҳияси билан бошланган байрам тадбирига "Азиз бўстон, Ўзбекистон" қўшиғғи ўзгача шукуҳ бағғишлади.
Даврага "Алифбе" китоби кириб келди. Ўқувчилар унли, ундош ҳарфларга таъриф бериб чиқишди. "Алифбе" ўқувчилар билимини синаб, топишмоқлар айтди. Топқир болажонларнинг ҳозиржавоблиги айтилган мақолни давом эттиришда ҳам яққол намоён бўлди.
Ўқувчиларнинг саводини чиқарган Наргизахон Дадажонова уларнинг зукко, билимдонлиги билан қутлади. Шундан сўнг, А.Навоий, З.М.Бобур таваллудига бағғишланган "Нон иси" саҳна кўриниши намойиш этилди.
Кеча сўнгида мактаб директори Иқболой Исроилова ўқувчиларни "Алифбе"ни тугатганлиги билан табриклаб, уларга "Саводхонлик дипломи"ни топширди.
З.УМРЗОҚОВ.
|