ГИЁҲВАНДЛИК БАЛОСИ
АСР ВАБОСИ ИЛЛАТДИР
Кейинги пайтларда гиёҳвандлик билан боғғлиқ муаммолар кўпайиб бормоқда. Жаҳон ҳамжамиятининг "Аср вабоси"га қарши кескин курашишига қарамай, унинг домига тушиб қолаётганлар сони ортиб бормоқда.
Статистик маълумотларга қараганда, жаҳонда 500 миллиондан кўпроқ киши, яъни, дунё аҳолисининг салкам 10 фоизи гиёҳвандлик дардига мубтало бўлган. Шундан 40 миллионга яқини героин "ишқибози" ҳисобланади. Энг ачинарлиси шундаки, "оқ ажал" исканжасидагиларнинг 70 фоизини 30 ёшгача бўлган ёшлар ташкил қилади.
Инсоният ўзини ҳалокат ёқасига етакловчи оғғуга нега бунчалар ружу қўймоқда? Айтиш мумкинки, баъзи кишилардаги кайфу-сафога, оний лаззатланишга бўлган қизиқиш аввалига "бир мартагина мазасини то- тиш"дан бошланиб, кейинчалик батамом бу бало таъсирига тушиб қолишларига сабаб бўлади. Гиёҳвандларнинг аксарияти "дори"ни сотиб олишга пул тополмай ёки "заҳри қотил" таъсирида жиноят кўчасига кириб кетадилар.
Андижон темирйўл бекатидаги ТИИБ ходимлари томонидан гиёҳванд моддаларни сотишда ва олиб юришда гумон қилиниб, ушланганларни мисол келтиришимиз мумкин. қўрғғонтепа шаҳар, Миришкор кўчасида яшовчи А.қосимов (исми, шарифи ўзгартирилган)2011 йил 20 январь куни Андижон темирйўл бекатидаги ТИИБ ЖК ва УЖККБ ходимлари томонидан ушланган ва унинг ёнида "марихуана" гиёҳванд моддаси борлиги аниқланиб, ҳужжатлаштирилди.
2011 йилнинг 5 январь куни Андижон темирйўл бекатида Наманган тумани, Гирвон қишлоғғида яшовчи Х.Ходжаев (исми, шарифи ўзгартирилган) текширилганда, унинг ёнида ҳам гиёҳванд модда борлиги аниқланиб, далилий ашёлар билан ушланди. Ҳозир ушбу ҳолатлар юзасидан суриштирув ишлари олиб борилмоқда.
Хулоса ўрнида айтиш мумкинки, гиёҳвандлик кишини ҳам жисмонан, ҳам руҳан мажруҳ этади. Унга мубтало бўлганлар, мўмай пул ишлашни ният қилганлар эртами кечми, шубҳасиз, қонун олдида жавоб берадилар.
И.АРЗИЕВ,
Андижон темирйўл бекатидаги ТИИБ, ВЕЁОХООГ инспектори, лейтенант.
|