Юртимизнинг тарихий гўшалари
АНДИЖОН ШАҲРИ ГУЗАРЛАРИ
ЧОР ГУЗАР
Ушбу гузар ҳозиргача ҳам йўқолмаган. Шаҳлогузардан бошланиб "Яланғғоч қўрғғон" (кейинги номи "Пиён бозор") томон очилган янги кўча Чор гузарни қирқиб ўтган. Худди шу ердан шарқда Азимҳожи номли (ҳозирги "Навоий") кўчасидан Остона гузар томон жанубга йўналган кўча билан кесишган (шунинг учун ҳам "Чор гузар" номини олган). Собиқ "Кигизчи" маҳаллалари ушбу гузар атрофида жойлашган эди.
Тахминан XVIII аср охирларида гузарда катта масжид-мадраса қурилган. Шаҳарнинг Бобур даврида машҳур бўлган қадимги "Намозгоҳ" масжиди XVI аср ўртасида рўй берган зилзилада бузилгач, унинг айрим қисмлари, жумладан, устун таги учун йўнилган, бўйи бир метрдан ортиқ катта тошлардан иккитаси ушбу масжид қурилишида ишлатилган (бу тошнинг биттаси "Шужоат" маҳалласидаги кичик масжидда сақланар эди. 2009 йили Бобур халқаро фонди идораси олдига олиб келиб ўрнатилди). Кейинги йиллари гузарларга эътибор қаратилаётгани муносабати билан "Чор гузар" ҳам анчагина ободлашиб қолди.
(Давоми бор).
Сайфиддин ҳожи ЖАЛИЛОВ, АДУ фахрий профессори.
|