юртимизнинг тарихий гўшалари

АНДИЖОН ШАҲРИ ГУЗАРЛАРИ

ЧУВАЛАЧИ ГУЗАРИ

Манбаларда "Жубалажи" деб ёзилган. ("Туҳфат-ат таворихи хони" асарида келтирилади) Ушбу гузар "Сой гузар"нинг жануб томонида, Андижондаги тўққизта ариқнинг бири бўлмиш "Тўқмақ" ариғғи бўйида жойлашган (шаҳардаги ҳозирги 15-умумтаълим мактабининг жануб томонига тўғғри келади).

Чувалачи гузари, шу номли маҳалла, Чўхрак, Маҳдуми Аъзам маҳаллаларини бирлаштирувчи марказ бўлган. Гузар Андижоннинг шимоли ва шарқидаги қатор қишлоқларнинг шаҳарга кираверишидаги катта йўл устида жойлашгани сабаб анчагина обод гузарлардан бўлган. Гузарда қатор баққоллик дўконлари, "икки тошли" катта тегирмон ва ариқ бўйида чойхона бўлиб, қишлоқлардан келган аравакашлар тўхтаб, отларини суғғоришиб ўтишар эди. Собиқ совет ҳокимияти йиллари ушбу гузар йўқ қилинди ва "Чувалачи" деб аталган маҳалла номи ҳам "Ғайрат" деб аталадиган бўлди.

(Давоми бор).

Сайфиддин ҳожи ЖАЛИЛОВ,

АДУ фахрий профессори.