Орастахона
ЮЗИНГИЗНИ ПАРВАРИШЛАНГ
Юз териси бўшашиб, ажинлар пайдо бўлиши биланоқ, терини тўғғри парвариш қилишни жиддий ўйлаш зарур. Юзга иссиқ компресс қўйиш яхши натижа беради. Бунинг учун иссиқ сувга юмшоқ докани ботириб, юзингизга босинг. 5 дақиқадан сўнг, докани олиб ташлаб, юзингизни совуқ сувда ювинг.
Ёки бўлмаса 1 стакан қайнатиб совитилган сувга ярим чой қошиқ ош тузини эритиб, унга юмшоқ пахтани ботириб олиб, юзингизни артинг.
Шунингдек, эрталаб салқин (30о) сув билан ювиниб, кейин озиқлантирувчи крем суртиб, устидан упа қўйсангиз, мақсадга мувофиқ бўлади.
Икки ош қошиқ мойчечак гулига ярим литр қайноқ сув қуйиб, бир соат давомида дамлаб қўйинг. Тайёр бўлган дамламага пахтани ботириб, аста юз ва бўйин терисини артинг.
Бир чой қошиқ кўк чой шамасини 2 ош қошиқ сметанага аралаштириб туриб, юз ва бўйин терисига суртиб чиқинг. Орадан 15 дақиқа ўтгач, илиқ сувда ювиб ташланг.
Ушбу муолажаларни 10 кун давомида бажаришингиз тавсия этилади.
НИГОРА тайёрлади.
|