АНДИЖОНЛИКЛАР ҲАШАРИДА ФАОЛ ИШТИРОК ЭТДИЛАР

Юртимизни янада кўркам ва обод этиш, қолаверса, Наврўз байрами олдидан 12-13 март кунлари республикамизда ўтказилган умумхалқ ҳайрия ҳашари вилоятимизда ҳам уюшқоқлик билан ўтди. Ушбу тадбирда вилоятдаги барча корхоналар, ташкилотлар, муассасалар ҳамда ўқув юртлари, шунингдек, ҳар бир маҳалла вакиллари фаол иштирок этдилар. Улар ўзлари яшаётган, меҳнат қилаётган, таълим олаётган ўқув юртлари ҳудудларини, ариқлар, кўчалар, ҳиёбонларни, қабристонларни тозалаш каби катта ҳажмдаги ободонлаштириш ишларини амалга оширдилар.

Умумхалқ хайрия ҳашарида жами 2 млн.дан зиёд киши иштирок этди. Жами 3081 гектар майдон тозаланди ва ободонлаштирилди. 2997 км. узунликдаги ариқлар тозаланди, 1 млн. 400 минг тупдан ортиқ дарахтлар оқланиб, уларга шакл берилди, 1 млн. 527 минг туп мевали, 2 млн. 125 минг туп манзарали дарахт ниҳоллари, 2 млн. 306 минг тупдан зиёд турли хил гул кўчатлари экилди. 3261 та камтаъминланган, ночор, якка-ёлғғиз яшаётган инсонлар ҳолидан хабар олиниб, уларга моддий ва маънавий ёрдамлар кўрсатилди.

Амалга оширилган ободонлаштириш ва ҳайрия ишлари Наврўз байрамига андижонликларнинг муносиб туҳфаси бўлди.

З.АКБАРОВА.