РЕСПУБЛИКА ИЛМИЙ-АМАЛИЙ АНЖУМАНИ

2011 йил - "Кичик бизнес ва хусусий тадбиркорлик йили" муносабати билан таълим муассасаларида, олий ўқув даргоҳларида илмий-амалий анжуманлар бўлиб ўтмоқда. Яқинда ана шундай анжуманлардан бири Андижон муҳандислик-иқтисодиёт институтида ўтказилди. "Кичик бизнес ва хусусий тадбиркорлик ривожи, истиқболлари" мавзусидаги мазкур республика илмий-амалий анжуман институт "Камолот" ЁИҲ бошланғғич ташкилоти ташаббуси билан ташкил этилди.

Анжуманни институт ректорининг маънавий ва маърифий ишлар бўйича ўринбосари Т.Каримов кириш сўзи билан очди ва барча анжуман иштирокчиларини табриклади. Шундан сўнг, иқтисод фанлари доктори, профессор қ.Муфтайдинов "Иқтисодий ислоҳотларни чуқурлаштириш ва мамлакатни модернизациялаш шароитида хусусий тадбиркорлик" мавзусида маъруза қилди.

Шунингдек, анжуман давомида институт иқтисодиёт кафедраси доценти У.Собировнинг "Иқтисодиётни барқарорлаштириш муаммолари", институт молия кафедраси мудири М.Эшоновнинг "Ўзбекистонда кичик корхоналарни солиқлар орқали рағғбатлантиришнинг ўзига хос хусусиятлари", бухгалтерия ҳисоби ва аудит кафедраси доценти Б.Солиевнинг "Кичик бизнес корхоналари молиявий барқарорлиги таҳлилининг услубий асослари" мавзуларидаги маърузалари ҳам тингланди. Маърузалар юзасидан анжуман қатнашчилари томонидан қизғғин музокаралар бўлди.

М.НОРБОЕВА.