ДОЛЗАРБ МАВЗУДА СЕМИНАР
Вилоят маданият ва спорт ишлари ҳамда ўрта-махсус касб-ҳунар таълими бошқармалари ҳамкорлигида Андижон Олимпия заҳиралари спорт коллежида "Ўсмир ва ўспиринларда учрайдиган суицид ҳолатига таъсир этувчи ижтимоий психологик омиллар" мавзусида илмий-амалий семинар ўтказилди.
Семинарда ўрта-махсус касб-ҳунар таълими бошқармаси тасарруфидаги барча таълим муассасаларининг амалиётчи психологлари иштирок этдилар.
Ушбу тадбирда Андижон давлат университети психология кафедраси мудири М. Ҳалилова, кафедра ўқитувчилари Г. Тожибоева, Т. Сулаймонова, шунингдек, Андижон давлат тиббиёт институти ўқитувчиси, Халқ депутатлари Андижон шаҳар Кенгаши депутати О. Абдусаломов, "Гумбаз" масжиди имом-хатиби Р. Ҳамдамовлар ўсмирларнинг руҳий хусусиятлари, ўсмирликда учрайдиган ўзгаришлар, кризис ҳолатлари, ўз жонига қасд қилишнинг салбий оқибатлари, оилаларда соғғлом ва маънавий муҳитни яхшилаш ҳақида маъруза қилдилар.
Семинар қизғғин савол-жавобларга бой бўлди.
У. АБДУСАЛОМОВ.
|