ЯНГИ ФАН ЮТУҚЛАРИГА БАҒИШЛАНДИ

Яқинда Андижон давлат университетида "Товарларни кимёвий таркиби асосида таснифлаш ва сертификатлаш муаммолари ва истиқболлари" мавзусида республика илмий-амалий анжумани бўлиб ўтди. Анжуманда Ўзбекистон Республикаси Давлат Божхона Қўмитаси, Тошкент кимё-технология институти, Фарғона политехника институти, Фарғона ва Наманган давлат университетлари ҳамда Андижон давлат тиббиёт институтидан таниқли олимлар ва мутахассислар иштирок этдилар.

Анжуманни Андижон давлат университетининг 1- проректори, профессор Абдулҳай Собиров очди. Шундан сўнг тадбир дастурида белгиланган маърузалар бўйича олимларнинг чиқишлари бўлди. Айтиш жоизки, маърузачилар кимё соҳаси бўйича фанга киритилаётган янгиликлар ҳамда ютуқларга алоҳида тўхталиб ўтдилар.

Дарвоқе, мамлакатимизда 1997 йили Осиёда биринчи бўлиб кимё соҳасига "Товарларни кимёвий таркиби асосида таснифлаш ва сертификатлаш" фани киритилган ва уни таниқли андижонлик олимлар Иброҳим Асқаров ва Тўхтапўлат Рис-қиевлар яратганлар.

Анжуман барчада яхши таассуротлар қолдирди.

Гулбаҳор КАМОЛОВА,

Дилдора ТУРДИЕВА,

АДУ кимё-биология факультети талабалари.