ХОНОБОДДА УЧРАШУВ

Куни-кеча Хонобод педагогика ижтимоий-иқтисодиёт коллежида тадбир бўлиб ўтди. Унда Президентимиз И.Каримов раҳнамолигида олиб борилаётган ислоҳотлар, Ўзбекистон мустақиллигининг 20 йиллигини кўтаринки руҳда кутиб олиш, Ватанга муносиб фарзанд бўлиш учун кўпроқ нималарга эътибор бериш кераклиги хусусида суҳбатлар бўлди.

Тадбирда республика Олий Мажлиси Сенатининг аъзоси Фарида Араббоева, шоира ва ёзувчи Омина Тожибоева, Хон-обод шаҳар ҳокими ўринбосари, туман хотин-қизлар қўмитаси раиси Мухтасархон Ҳошимовалар сўзга чиқиб, ёшларга келажакда яхши инсон бўлиб етишишлари, ҳамиша Ватан равнақи учун хизмат қилишлари зарурлиги тўғрисида гапирдилар.

Ўз навбатида коллеж талаба ёшлари ўзларига яратиб берилаётган чексиз имкониятлардан фахрланиб сўзлашди. Албатта, бу ғамхўрликларга аъло ўқиш билан жавоб беришга аҳд қилганликларини изҳор этишди.

Учрашув савол-жавобларга бой бўлди.

(ЎЗ МУХБИРИМИЗ).