БАЙРАМ ШУКУҲИ
Андижон шаҳар Муҳаммадалибой МФЙда Ўзбекистон мустақиллигининг 20 йиллиги муносабати билан маҳаллада истиқомат қилувчи 200 нафар камтаъминланган ҳамда кўп болали оилалар, меҳнат фахрийлари ва ногиронлар учун Наврўз ошхонасида байрам дастурхони ёзилди.
Тадбирни МФЙ раиси Ш.Сиддиқова очар экан, вилоятимиздаги бунёдкорлик, ободончилик ишлари ҳақида тўхталди. Бу ишларда юртимизнинг ишбилармон ва тадбиркорларининг ҳиссаси катта эканлигини таъкидлади.
Шунингдек, байрам тадбирини ўтказишда, камтаъминланган оилаларга ҳиммат кўрсатишда уларнинг беминнат ёрдамлари борлиги ҳам эътироф этилди.
Шу куни ўксик кўнгилларнинг қувончи, куй, қўшиқлар байрамга ўзгача шукуҳ бағишлади.
Ш.КЕЛДИЕВ.
|