КИТОБЛАР ТАҚДИМОТИ

Бобур номидаги вилоят ахборот кутубхона марказида китоблар тақдимоти бўлиб ўтди. Алоқа ва ахборотлаштириш агентлиги ҳамда журналистлар уюшмаси вилоят бўлимлари ҳамкорлигида ташкил этилган мазкур тадбирда, журналистлар, ёш ижодкорлар иштирок этдилар.

Ўзбекистон мустақиллигининг 20 йиллиги арафасида нашр этилган, шоир ва адиб Олимжон Холдорнинг "Қисмат", Ўзбекистон халқ шоири Тўлан Низомнинг "Табибнома"шеърий китоблари ҳамда ёзувчи Қамчибек Кенжанинг "Палахмон" романининг бугунги кундаги аҳамияти ҳақида кенг фикр юритилди.

Тадбирда "Бобур издошлари" тўгарагининг бир гуруҳ аъзолари ўзларининг она-юрт, Ватан, мустақиллик ҳақидаги шеърларидан ўқиб бердилар.

Тадбирни Ўзбекистон Ёзувчилар уюшмасининг вилоят бўлими раҳбари, шоира Ҳуршидабону олиб борди.

У. АБДУСАЛОМОВ