ТАҚДИРЛАШ МАРОСИМИ
Яқинда Андижон давлат университетида "Ўзбекистон маданияти ва санъати" форуми жамғармаси, "Келажак овози" ёшлар ташаббуслари маркази ҳамда "Камолот" ёшлар ижтимоий ҳаракати ҳамкорлигида ўтказилган "Келажак овози - 2011" Республика танловининг вилоят босқичи бўлиб ўтганди. Унда 4 та номинацияда 15 йўналиш бўйича 39 нафар ўғил-қиз ғолиб, деб топилган эди.
Куни-кеча ушбу билим даргоҳида ғолибларни тақдирлаш маросими бўлиб ўтди.
- Мен бугун жуда ҳаяжондаман, - дейди тасвирий санъат йўналиши ғолиби Садоқат Қобилжонова. - Чунки вилоят миқёсидаги тенгқурларим орасида иккинчи ўринга сазовор бўлишим, менинг озми-кўпми меҳнатим самарасидир. Ўйлайманки, бу каби танловлар биз ёшларда келажакка ишонч ҳиссини уйғотади
Танлов ғолиблари диплом ва эсдалик совғалари билан тақдирландилар. Тадбир сўнггидаги концерт дастури ғолиб ва иштирокчилар кўнглини ҳушнуд этди.
У. АБДУСАЛОМОВ.
|