ТАДБИРКОРЛИК

ҲУНАРМАНД АЁЛЛАР

Вилоятимизнинг ҳунармандларга бой гўшаси бўлмиш Шаҳрихон тумани учун мазкур йилнинг "Кичик бизнес ва хусусий тадбиркорлик йили" дея аталиши айни муддао бўлди.

Тумандаги Абдусамад маҳалла фуқаролар йиғини, Ибн Сино кўчасида тадбиркорлик фаолиятини юритаётган Сайдалиевлар хонадонидаги ишлар мақтовга арзигулик. Эркаклар оёқ кийимларини тайёрлайдиган ушбу хонадон аъзолари иш фаолиятини 1992 йилдан бошлашган. Аввалига хонадон бекаси Санобархон ая тўрт нафар келини ва ўғиллари билан иш бошлаган эди. Кейинчалик улар тикаётган пойабзаллар ўз мижозларини топа бошлагач, улар 20 нафар набираси ҳамда маҳалладаги 15 га яқин йигит-қизларни иш билан таъминладилар. Маҳсулотларнинг бир неча турлари мавжуд бўлиб, мавсумга қараб тайёрланади.

- Аёлларнинг пойабзал тайёрлаётганидан ҳайратланаётгандирсиз? - дейди хонадон келини Нигорахон опа қилаётган касбидан фахрланиб. - Тайёрланаётган маҳсулотнинг йигитлар бажарадиган томонлари ҳам бор. Лекин бизда хотин-қизлар кўпчиликни ташкил этади. Моҳир уста бўлган аёллар сарасига Мўътабархон ая, Гулнозахон, Муслимахонларни ҳам қўшиш мумкин. Уларнинг ёрдамида кўплаб мижозларнинг истакларини бажармоқдамиз...

Мафтунабону

НУРДИНОВА,

жамоатчи мухбир.

СУРАТДА: Санобар Сайдалиевалар хонадони.