ҲАМЖИҲАТЛИКДА ГАП КЎП

Тумандаги 25-умумтаълим мактаби "Оқ олтин" маҳалла ҳудудида жойлашган. Барча қулайликларга эга бўлган ўқув даргоҳимизда ўқувчиларга чуқур билим бериш билан биргаликда маънавий тарбия бериш ишлари ҳам намунали йўлга қўйилган.

Қишлоқ врачлик пункти, маҳалла, мактаб, оила ҳамкорлиги натижасида диний экстремизм, гиёҳвандликнинг олдини олиш, ҳуқуқий билимларни ошириш, оилавий ҳаётга тайёрлаш, экологик тарбия каби мавзулардаги суҳбат, учрашувлар ўқув жараёни билан ҳамоҳанг равишда олиб борилади.

Шунингдек, маҳалла фуқаролар йиғини фаоллари, ҳомийлар, ота-оналар томонидан мактабимизга ҳам ҳомийлик ёрдами кўрсатилиб турилади. Яқинда ана шу ҳамкорлигимиз натижасида маҳалламизда истиқомат қилаётган ибратли пиру-бадавлат оилалар соҳибу соҳибалари бўлган отахон ва онахонлар билан учрашув ўтказдик. Бундай ибратли ва хайрли ишларга бош бўлиш, уни ташкиллаштиришда ҳамжиҳатлик муҳим роль ўйнамоқда. Яъни, ҳамжиҳатлик бор жойда ишлар бароридан келаверади.

Олимжон СОБИРОВ,

25-умумтаълим мактаби директори.