МЕҲР КЎРГАН МЕҲРИНИ АЯМАС
Шукроналик, ўз бахтини одамларнинг фаровон турмушида кўришга интилиш инсонийлик белгиси, эзгу хислат. "Янги тадбир" фермер хўжалиги раҳбари
Ҳамидахон Воҳидова ҳам ана шундай маҳаллага қайишадиган инсонлардан бири.
- Фермер нафақат мўл ҳосил олишни уддалаш, балки халқнинг турмуш фаровонлигини оширишга муносиб ҳисса қўшишга ҳам масъулдир, - дейди Ҳамидахон. - Меҳнат қилган, изланган, интилган киши ҳеч қачон кам бўлмаслигига яна бир бор ишонч ҳосил қилдим.
Маҳалламизда меҳр-оқибатли инсонлар кўп. Уларнинг кўмагида ўз ишимни йўлга солдим. Мамлакатимизда биз фермер ва тадбиркорларга яратилган шароит туфайли оиламиз қаддини ростлади. Қолаверса, маҳалла аҳли иш билан таъминланди. Одамлардан меҳр, қадр-қиммат кўрдик. Энди ўзим ҳам имконини топсаму бировга нафим тегса, дейман. Боқувчисини йўқотган, кўп фарзандли оилаларга баҳоли қудрат кўмаклашишга ҳаракат қиламан. Чунки "элдан-элга наф", деган гап бор, - дейди Ҳ.Воҳидова.
Дарҳақиқат, маҳалла ҳудудида фаолият олиб бораётган бошқа фермерлар ҳам ҳимматли инсонлардир. Уларнинг ёрдами билан қишлоқ, маҳалла янада обод бўлиб, кундан-кунга кўркамлашиб бормоқда.
САҲИФАНИ ЗУМРАДХОН АБДУЛЛАЕВА ТАЙЁРЛАДИ.
|